Xa un clásico no barrio
Máis de dez ano leva a Marcha Ciclista a Coia, unha actividade deportiva que congrega a máis de 500 persoas e que ten un percorrido de dez quilómetros. O percorrido comeza coa saída desde a asociación e dependendo da situación das rúas en cada edición variamos o percorrido, favorecendo sempre a participación dos máis cativos.

O importante é participar
Non é unha marcha con carácter competitivo; o que queremos é que participe a maior cantidade de xente posible e que todas e todos gocemos con este paseo en bici polo noso barrio e arredores, a nosa contorna. O que normalmente percorremos en coche ou con moitas présas podemos vivilo así doutro xeito.

Esta marcha ciclista está financiada pola Concellaría de Deportes do Concello de Vigo e ten o apoio do hipermercado Alcampo.

Sorteo na chegada de agasallos
Participar é moi sinxelo, só hai que anotarse na asociación nos días anteriores ou o mesmo día da marcha. No momento de anotarse dásenos un dorsal que será o número co que logo participaremos no sorteo de agasallos que hai ó final desta actividade, que remata no Campo Roxo.