Festa de Entroido
Esta festa está dirixida dun
xeito especial ós máis cativos do barrio, recuperando
unha tradición na que os disfraces máis o gastronómico
uníanse para celebrar a despedida de D. Carnal e a cegada
de Dª Coaresma. Desde unha metodoloxía participativa
organízase un encontro festivo no que os rapaces poden facer gala
dos seus disfraces. Aqueles que non se disfrazan teñen a
oportunidade de participar nos obradoiros de maquillaxe e diversos
xogos.
Día das
letras galegas e Maios
Na conmemoración
das Letras Galegas faremos unha actividade que conmemore esta data.
Será unha festa na que faremos mención ó persoeiro ó que
se lle adique esta data. Será unha festa na que faremos
un acto que nos axude a entender o significado do "Día
das Letras Galegas". Esto irá acompañado pola
confección de maios, que serán feitos polos rapaces
e rapazas do barrio.
|
 |
Cine de Verán
Durante catro días proxectamos
unha serie de películas que dan a este barrio unha
nova alternativa de ocio e aproveitamento do espacio ó aire
libre. Habilitamos as canchas de fútbol-sala do Campo
Roxo. Nestas canchas montamos unha pantalla xigante máis
o equipo de son preciso para optimizar a calidade da actividade
e para garantir o entretemento e divertimento das persoas
que asisten a esta actividade.
Festas tradicionais
Continuando na liña desta asociación, que en todas
as súas actividades prioriza o obxectivo de acadar unha
mellor calidade de vida para o seu contorno, temos que destacar
o interese polas cuestións culturais relacionadas coa
exaltación da tradición da cultura galega e o noso
idioma, sobre todo achegando á cidadanía aquelas
manifestacións que fagan por recuperar a nosa identificación
como pobo galego e que nos axuden a coñecer as nosas raíces,
así como a multitude de tradicións que existen ó longo
da xeografía galega, nun intento de avogar pola tolerancia
ante a diversidade.
|
|
Festa de nadal con contacontos de nadal
Co gallo do Nadal organizamos un
encontro no que os rapaces e rapazas poden participar en xogos
variados e divertidos. Logo, na campaña de animación
sociocultural temos organizada unha sesión de contacontos
aberta a toda a veciñanza.
Festa do Magosto con recuperación de xogos tradicionais
Nesta festa organizamos xogos tradicionais para desenvolver no barrio: trompo,
bólas, aro, sacos, pincho… Asemade asamos castañas e gozamos con
esta degustación gastronómica..
Últimas novas
-
Magosto en Camiño de Coia. 19.30h
-
Día do Deporte en Coia. 13 de Marzo.
-
23 de Xuño. Festa Veciñal.
-
Entroido en Coia
-
Os Papa Noeis máis televisivos da cidade
|
|
