A A.VV. Camiño V. de Coia e a A.VV. Val do Fragoso instan ao Concello a que constrúa unha piscina no entorno da Miñoca tal e como se ten prometido.
A piscina municipal das Travesas, há tempo que viu superada a súa capacidade fronte a inmensa demanda que estas instalacións ten por parte da cidadanía, posto que recebe usuarias/os de diferentes zonas da cidade (Coia, Val do Fragoso, Travesas, Gran Vía, Camelias...), polo que urxe a construcción dunha nova piscina.
Nos barrios de Coia e Val do Fragoso residen entre 75.000 cidadás/cidadáns, e ambas zonas se teñen caracterizado polo continuo crecemento demográfico, a mostra máis recente foi a urbanización da Miñoca.
Existe un deficé en instalacións deportivas que o governo municipal non pode obviar. É preciso que desde o Concello se impulsen as medidas necesarias para dar a resposta máis rápida, buscando tamén a necesaria colaboración de entidades e institucións.
Os colectivos veciñais máis representativos, respectivamente, dos barrios de Coia e Val do Fragoso, ofrecemos a nosa colaboración para tal cometido.
