Un día na rúa
Un día ó ano todos os colectivos do barrio desenvolvemos esta actividade; unha actividade que non é froito dun día, senón do traballo dun equipo que programa, dinamiza, motiva e desenvolve esta festa, e sobre todo, froito do traballo cotián de cada un dos colectivos participantes.



Os protagonistas
O día d@ moz@ en Coia é unha festa na que os protagonistas son as persoas máis novas do barrio, durante todo o día ocupamos a Avda. de Castelao, cada colectivo monta un stand no que se realizan obradoiros, xogos, demostracións… ¡E todo é interactivo!

Un tren percorre o barrio
Durante todo o dia un tren turístico dá voltas pola avenida para que se poida contemplar toda a festa.

Os colectivos do barrio
Os colectivos do barrio
Podemos participar dun xeito directo en cada unha das actividades, aprendendo, gozando e, sobre todo, coñecendo cada un dos colectivos que en Coia traballan pola mocidade: escolas, A.N.P.As, asociacións xuvenís, asociacións veciñais, parroquias…Toda unha aposta pola participación e a creatividade. Se traballamos en equipo os resultados sempre serán máis eficaces e efectivos.
Durante todo o día no que se desenvolve esta festa, ó realizar calquera das actividades que os colectivos teñen programadas, os participantes terán un carimbo máis na súa folla de participación, coa que logo terán opción de entrar no concurso de diversos agasallos.